समाचारहरू

मौन अवधिमा भोट माग्दै हिँडेको आरोपमा नेपाली कांग्रेसका कार्यकर्ता र नेकपा माओवादी केन्द्रका कार्यकर्ताबिच हलेसी तुवाचुङ नगरपालिका–७ महादेवस्थानस्थित डाँडागुठमा वैशाख २८ गते झडप भएको हो ।

चुनावी अभियानका क्रममा माओवादी कार्यकर्ता ३७ वर्षीय पदम राईलाई हलेसी तुवाचुङ नगरपालिका–७ महादेवस्थानका कांग्रेस सभापति केदार राईको समूहले कुटपीट गरेको आरोप पीडित पक्षको छ ।

कांग्रेस कार्यकर्ताको कुटपिटबाट नेकपा माओवादी केन्द्रका ३४ वर्षीय दीपक राई, ३३ वर्षीय निमेश राई, ३५ वर्षीय एगिन्द्र राई, ३६ वर्षीय रूपाल राई र २३ वर्षीय भुपाल राई घाइते भएका छन् ।

घाइते सबैको जिल्ला अस्पतालमा उपचार भएको छ ।

नेकपा माओवादी केन्द्रका कार्यकर्ताको कुटपिटबाट कांग्रेस कार्यकर्ता दीपक राई घाइते भएका छन् । उनको हलेसीस्थित करूणा फार्मेसीमा प्राथमिक गरिएको छ ।

घटनाका विषयमा प्रहरीमा उजुरी नआएको जिल्ला प्रहरी कार्यालयका इन्स्पेक्टर शङ्करप्रसाद चौधरीले बताउनु भएको छ ।

तारानाथ फुयल