समाचारहरू

संयुक्त लोकतान्त्रिक मधेसी मोर्चा सप्तरीले वैशाख ३ गते राजविराज नपा-८ स्थित सडक छेकेर जिल्ला निर्वाचन कार्यालयमा धर्ना दिएको छ ।

मोर्चाको माग सम्बोधन हुने गरी संविधान संशोधन नभएसम्म चुनाव हुन नदिने भन्दै मोर्चाका नेता, कार्यकर्ताहरूले बिहान १० बजेदेखि ४ बजेसम्म सडकमा पाल टाँगेर निर्वाचन कार्यालय घेराउ गरी धर्ना दिएका हुन् ।

सरकार, प्रतिपक्षी दल नेकपा (एमाले) र निर्वाचन आयोगविरूद्ध नाराजुलुस लगाउँदै जिल्ला निर्वाचन कार्यालय पुगेका प्रदर्शनकारीले कार्यालय अगाडि सडकमा धर्ना दिनुका साथै कोणसभा गरेका छन् । मोर्चाको प्रदर्शनका कारण कार्यालयको कामकाज ठप्प रहनुका साथै स्थानीयबासीलाई आवतजावतमा समस्या भयो ।

सद्भावना पार्टीका बरिष्ठ उपाध्यक्ष मृगेन्द्रकुमार सिंह यादवले संविधान संशोधन नभएसम्म आन्दोलन जारी राख्ने र यथास्थितिमा जबरजस्ती चुनाव गर्न खोजे सशक्त प्रतिकार गर्ने चेतावनी दिए ।

मनोहरकुमार पोखरेल