समाचारहरू

संयुक्त लोकतान्त्रिक मधेसी मोर्चाले पुर्व निर्धारित कार्यक्रम अनुसार वैशाख ५ गते मसाल जुलुस प्रदर्शन गरेको छ ।

संविधान संशोधन बिना चुनाव हुन नदिने अडान लिएको मोर्चाले सार्वजनिक गरेको आन्दोलनको कार्यक्रमको पहिलो दिन खबरदारी स्वरुप मसाल जुलुस निकालेको जनाएको छ ।

निर्वाचनको कुनैपनि काम अगाडि बढन नदिने भन्दै मोर्चा आबद्ध नेताहरूले आगामी दिनमा आन्दोलन थप शसक्त बनाएर लैजाने बताएका छन् ।

मोर्चा आबद्ध तराई मधेश लोकतान्त्रिक पार्टीका जिल्ला अध्यक्ष अभिराम शर्मा र सदभावना जिल्ला अध्यक्ष रामबावु साह तथा केन्द्रीय तथा जिल्ला स्तरका नेताहरूले महोत्तरीमा संशोधन बिना निर्वाचन गराउनु भन्दा पहिले आफूहरूलाई सिध्याउन चेतावनी दिए । उनीहरूले आफूहरूको शरीरमा प्राण रहेसम्म संशोधन बिनाको चुनाव कुनैपनि हालतमा रोक्ने बताए ।

अजयकुमार साह