समाचारहरू

संयुक्त लोकतान्त्रिक मधेसी मोर्चाद्वारा आसन्न निर्वाचन बहिष्कारको आह्वान गर्दै वैशाख ३ गते निर्वाचन कार्यालय घेराउ गरेका छन् । मोर्चाका संयोजक मुकुरजी गिरीको नेतृत्वमा पुगेको टोलीले एक घण्टा नाराबाजी गर्दै जिल्ला निर्वाचन कार्यालय घेराउ गरेका हुन् ।

सो अवसरमा मोर्चाका कार्यकर्ताहरूले स्थानीय निर्वाचन बहिष्कार गरौँ, निर्वाचन कार्यक्रम बन्द गर लगायतका नारा लगाउँदै सरकार र प्रमुख प्रतिपक्षी दलको विरोध गरे ।

घेराउसँगै आयोजित कोणसभामा सङ्घीय समाजवादी फोरमका अध्यक्ष धरेन्द्र यादव, थरूहट मोर्चाका राधेश्याम चौधरी, मोर्चाका संयोजक मुकुरजी गिरीलगायतले मन्तव्य व्यक्त गर्दै कुनै पनि हालतमा स्थानीय निर्वाचन हुन नदिने चेतावनीसमेत दिएका छन् ।

नारायण पराजुली