समाचारहरू

मोरङमा निर्वाचन सुरक्षाका हिसावले ५१ ओटा मतदानस्थल अति सम्वेदनशील रहेका छन् । क्षेत्रीय निर्वाचन कार्यालयका प्रमुख प्रेम सञ्जेलले ३ सय मतदानस्थलमा ५१ मतदान स्थल अति सम्वेदनशील रहेको बताए ।

त्यसैगरी ९९ मतदानस्थल सम्वेदनशील र १ सय ५० मतादानस्थल सामान्य रहेको समेत प्रमुख सञ्जेलले बताए । जिल्ला सुरक्षा समितिले सुरक्षा अवस्थालाई मध्यनजर गर्दै मतदानस्थलको वर्गिकरण गरेको हो । ३ सय मतदानस्थलमा ७ सय ५८ मतदान केन्द्र रहेका छन् ।

देशभरमै सबैभन्दा बढी मोरङमा ६ लाख ४४ हजार ७ सय ८२ जना मतदाता रहेका छन् । जिल्ला प्रहरी कार्यालय मोरङका एसपी अरूणकुमार विसीले सुरक्षा अवस्था मजबुत बनाउन सीमा कडाई, निर्वाचन विरोधी गतिविधिमा संलग्नलाई गिरफ्तार, सिभिल प्रहरी परिचालनलगायतका काम भइरहेको बताए ।

इन्दिरा भट्टराई