मुगुका २ सय ४९ बालबालिकामा कडा कुपोषण
यस वर्षको साउनदेखि असोज महिनासम्म जिल्लाका २४ गाविसका १ हजार ३ सय ११ बालबालिका मध्ये २ सय ४९ बालबालिकामा कडा कुपोषण देखिएको शीघ्र कुपोषण एकीकृत व्यवस्थापन कार्यक्रम मुगुले जनाएको छ ।
रातापानी प्राथमिक स्वास्थ्य केन्द्र, खनाय, नाथर्पु, माँग्री, श्रीकोट, काँलै स्वास्थ्य चौकी र जिल्ला अस्पतालमा शीघ्र कुपोषण एकीकृत व्यवस्थापन कार्यक्रमको तथ्याङ्कमा छ । महिनादेखि माथि र पाँच वर्षमुनिका १ हजार ३ सय ११ बालबालिका मध्ये २ सय ४९ बालबालिकामा कडाखालको कुपोषण देखिएको शीघ्र कुपोषण एकीकृत व्यवस्थापन कार्यक्रम मुगुका मनिटर लोकबहादुर विश्वकर्माले बताएका हुन ।
बालबालिका कुनै खालको कुपोषणको शिकार नहुन् भन्ने उद्देश्यले नेपाल सरकार र स्वास्थ्य मन्त्रालयले सञ्चालन गरेको शीघ्र कुपोषण एकीकृत व्यवस्थापन कार्यक्रम जिल्लाका रातापानी प्राथमिक स्वास्थ्य केन्द्र, खनाय, नाथर्पु, माँग्री, श्रीकोट, काँलै स्वास्थ्य चौकी र जिल्ला अस्पतालमा लागु गरेको थियो ।
यस आर्थिक वर्षमा तीन महिनामा २४ गाविसका १ हजार ३ सय ११ बालबालिका मध्ये कडा कुपोषण भएका २ सय ४९ जना बालबालिका देखा परेको भएपनि ४० जना बालक र ५४ जना बालिकाको उपचार गरी सञ्चो भएको शीघ्र कुपोषणको एकीकृत व्यवस्थापन कार्यक्रम मुगुका मनिटर लोकबहादुर विश्वकर्माले बताए ।
अघिल्लो वर्ष ६ महिनादेखि माथि र पाँच वर्षमुनिका जिल्लाका बालबालिकाको कूल सङ्ख्याको १२ दशमलब ६२ प्रतिशत कडा कुपोषित बालबालिकाको तथ्याङ्कमा देखाएको थियो । यो वर्षपनि कडा कुपोषित बालबालिकाको सङ्ख्या बढन सक्ने साउनदेखि असोज महिना सम्मको तथ्याङ्कले देखाएको छ ।
अहिले जिल्लाका २४ गाविसका सबै स्वास्थ्य संस्था र महिला स्वास्थ्य स्वयमसेविकामार्फत बालबालिकामा कुनै खाले कुपोषण नलागोस भनि जिल्ला स्वास्थ्य कार्यालयले कुपोषणसम्बन्धी कार्यक्रम सञ्चालन गरेको छ ।
कडा कुपोषित देखिएका बालबालिकाका अभिभावकले खानपिनमा सुधार गर्ने हो भने सन् २०२० सम्म जिल्लालाई कुपोषित मुक्त जिल्ला बनाउन सकिने जिल्ला स्वास्थ्य कार्यालयले जनाएको छ ।
कुपोषणकै कारण बालबालिकाले ज्यान गुमाउन नपरोस भनि जिल्ला जनस्वास्थ्य कार्यालय र अन्य गैर सरकारी संस्थाले सचेतनामूलका कार्यक्रम सञ्चालन गरेको पाइएपनि स्वास्थ्य संस्थामा स्वास्थ्यकर्मी नबस्ने र समयमा जनचेतना नपाउँदा बालबालिकामा कडा खालको कुपोषण देखा पर्ने गरेको छ ।
जीवन सेजुवाल
सम्बन्धित समाचारहरू
हत्या घटनाका आरोपित गिरफ्तार
तुलसीपुर उमनपा–३ का नौ वर्षीय भुवन केसीलाई भरुवा बन्दुकले गोली प्रहार गरी हत्या गरेको आरोपमा १० वर्षीय दाजु र ६२ वर्षीय हजुरबुबा भुविन्द्र खत्रीलाई प्रहरीले ०८१ माघ २६ गते गिरफ्तार…
१५ शैया अस्पताल अलपत्रः निर्माण सम्पन्न भएको दुई वर्ष बित्दा पनि सञ्चालन विहिन अवस्था !
जिल्लाका स्थानीय तह स्तरमा निर्माण भएका १५ शैयाका अस्पताल अलपत्र अवस्थामा रहेका छन् । निर्माण कार्य सम्पन्न भएको दुई वर्ष बित्दा पनि अस्पताल सञ्चालन विहिन अवस्था देख्दा स्थानीयहरू निरास हुँदै…
बलात्कार घटनाका आरोपितविरुद्ध उजुरी
२४ वर्षीय महिलालाई बलात्कार गरेको आरोपमा सहिद नगर नगरपालिका-१ का २२ वर्षीय धिरेन्द्र मण्डल विरुद्ध ०८१ माघ २४ गते पीडित पक्षले इलाका प्रहरी कार्यालय, यदुकुहामा उजुरी दिनुभएको छ । पीडित…
यौन दुर्व्यवहार कसुरमा दुई वर्ष ६ महिना कैद सजायको फैसला
१७ वर्षीया बालिकालाई यौन दुर्व्यवहार गरेको कसुरमा जिल्ला अदालतले साकेला गाउँपालिका-२ रतन्छाका ७६ वर्षीय मदन राईलाई दुई वर्ष ६ महिना कैद सजायको फैसला सुनाएको छ । जिल्ला अदालतका न्यायाधीश नारायणप्रसाद…
बलात्कार कसुरमा १२ वर्ष कैद सजाय
१२ वर्षीया छोरीलाई बलात्कार गरेको कसुरमा ४२ वर्षीय बुबालाई ०८१ माघ २४ गते जिल्ला अदालतले १२ वर्ष कैद सजायको फैसला गरेको छ । जिल्ला अदालत रौतहटका न्यायाधीश शम्भु रेग्मिको इजलासले…