समाचारहरू

नेत्रविक्रम चन्द्र (विप्लव) नेतृत्वको नेकपाका कार्यकर्तालाई प्रहरीले असार १७ गते गिरफ्तार गरेको छ । काठमाडौँ जिल्ला तारकेश्वर नपा–६ का ४२ वर्षीय सागर तिमल्सिनालाई काठमाडौँबाट असार १७ गते गिरफ्तार गरी नुवाकोट ल्याएर मुद्दा चलाएको हो ।

०७५ साउन २९ गते शिवपुरी गाउँपालिका–८ बोहोरे खोलामा बा ४ ख ८५१६ नं को मिनिट्रक जलाएको आरोपमा तिमल्सिनालाई गिरफ्तार गरेको जिल्ला प्रहरी कार्यालय नुवाकोटका एसपी कृष्णबहादुर पल्लिमगरले जानकारी दिए ।

नुवाकोट जिल्ला अदालतले ०७५ भदौ १५ गते मिनिट्रक जलाएको घटनामा संलग्नहरूलाई खोजी गर्न आदेश दिएको थियो ।

तिमल्सिनालाई जिल्ला अदालत नुवाकोटले तीन दिन हिरासतमा राखेर अनुसन्धान गर्न अनुमति दिएको छ ।

नवदीप श्रेष्ठ