समाचारहरू

कोशी प्रदेशका निवर्तमान आन्तरिक मामिला तथा कानुनमन्त्री लिलाबल्लभ अधिकारीलाई प्रहरीले गिरफ्तार गरेको छ ।

मानव बेचविखन घटनामा संलग्न भएको आरोपमा प्रहरीले अनुसन्धानका लागि ०८१ कात्तिक २५ गते विराटनगर महानगरपालिका-२ स्थित घरबाट अनुसन्धानका लागि मन्त्री अधिकारीलाई गिरफ्तार गरेको हो ।

प्रहरीले गिरफ्तारीसँगै अनुसन्धानका लागि कोशी प्रदेशका निवर्तमान आन्तरिक मामिला तथा कानुनमन्त्री लिलाबल्लभ अधिकारीलाई विराटनगर, एयरपोर्टमार्फत काठमाण्डौँ लैजाने तयारी गरेको छ ।

अदालतबाट अनुमति लिएर अनुसन्धानका लागि निवर्तमान आन्तरिक मामिला मन्त्री अधिकारीलाई गिरफ्तार गरेको प्रहरीले जनाएको छ । अधिकारीलाई गिरफ्तारीका लागि सहजीकरण गर्न काठमाण्डौँ प्रहरी परिसरबाट आएको टोलीसँग जिल्ला प्रहरी कार्यालयका एसपी नारायण चिमोरिया पुगेसँगै प्रहरीले अधिकारीलाई गिरफ्तार गरेको हो ।

जापान भ्रमणमा जाने नाममा मानव तस्करी गरेको आरोप कोशी प्रदेशका निवर्तमान आन्तरिक मामिला तथा कानुनमन्त्री लिलाबल्लभ अधिकारीलाई अनुसन्धानका लागि गिरफ्तार गरिएको जिल्ला प्रहरी कार्यालयका एसपी नारायण चिमोरियाले बताउनु भएको छ ।

विनोद सुवेदी