मानव बेचविखन तथा ओसारपसारको आरोपमा गिरफ्तार

  ०७३ पुस ५ गते

१२ वर्षीया बालिकालाई अपहरण गरी बन्धक बनाई राखेको आरोपमा शम्भुनाथ नपा-६ का २८ वर्षीय रुदल सदालाई सप्तरी प्रहरीले पुस ५ गते गिरफ्तार गरी मानव बेचविखन तथा ओसारपसारविरुद्धको मुद्दा दर्ता गरेको छ ।

पीडित बालिकाकी आमाको उजुरीका आधारमा आरोपितलाई गिरफ्तार गरिएको सप्तरी प्रहरीले जनाएको छ ।

आरोपितले पीडितलाई ०७३ भदौ १९ गते घरबाट झुक्याई अपहरण गरी भारदह, त्रिकोल हुँदै भारत विहारको कुनौलीमा स्थान परिवर्तन गर्दै तीन महिना बढी बन्धक बनाई राखेको पीडितले बताइन् ।

आरोपितको नियन्त्रणबाट उम्केर मङ्सिर २५ गते पीडित घरपरिवारको सम्पर्कमा आएपछि पीडितकी आमाले जिल्ला प्रहरी कार्यालयमा उजुरी दिएको बताइन् ।


मनोहरकुमार पोखरेल