मानव बेचविखन घटनाका आरोपित गिरफ्तार

  ०७४ वैशाख २९ गते

२२ र ३४ वर्षीय महिलालाई राम्रो जागिर लगाईदिने प्रलोभन देखाएर भारतको बाटो हुँदै कुवेत लैजाँदै गरेको आरोपमा केआई नेपालको सहयोगमा प्रहरीले बेलहिया नाकाबाट वैशाख २८ गते साँझ उनीहरूको उद्दार गरी दुई जना आरोपितलाई गिरफ्तार गरेको छ ।

पीडित महिलालाई राम्रो जागिर लगाई दिने प्रलोभन देखाएर आरोपितद्वय सिन्धुपाल्चोक भानेश्वरा गाविस-७ का ३१ वर्षीय जीवन लामा र तिनाउ नपा-६ मणिग्रामकी २८ वर्षीया जमुना पौडेलले बेचविखनको लागि विदेश लैजान लागेको प्रहरीको आरोप छ ।

कुवेत जान हिँडेका पीडित महिलासँग वैदेशिक रोजगारीमा जाँदा चाहिने पासपोर्ट, नागरिकता केही पनि नभएकोले बेचविखनका लागि लैजान लागेको जिल्ला प्रहरी कार्यालय रुपन्देहीका डिएसपी बेलबहादुर पाण्डेले बताए ।


रीमा बि.सी.