समाचारहरू

मानव बेचबिखन प्रयास घटनाबाट पीडित पाँच जना महिलालाई प्रहरीले जेठ २४ गते बेलुकी नेपाल भारत सिमाना महेशपुरबाट उद्धार गरेको छ । वैदेशिक रोजगारीमा जान भनी हिँडेका ३५ वर्षीया, ३६ वर्षीया, २३ वर्षीया एकएक जना र २९ वर्षीया दुई जना महिलालाई उद्धार गरेको जिल्ला प्रहरी कार्यालय, नवलपरासी (पश्चिम)ले जनाएको छ ।

विदेश जान हिँडेका महिलाहरूसँग आवश्यक पासपोर्ट, भिसालगायतका कागजात नभएकोले उनीहरूलाई बेचबिखनकमा पार गर्न लागिएको आशङ्का गरिएको जिल्ला प्रहरी कार्यालय, नवलपरासी (पश्चिम)का सई टिकाराम पोख्रेलले जानकारी दिए ।

घटनाका आरोपित ठेगाना नखुलेक ४२ वर्षीय राम बहादुर कुवँर फरार रहेकाले खोजी कार्य जारी रहेको सई पोख्रेलले बताए ।

नारायण पराजुली