समाचारहरू

मानव बेचबिखन प्रयास घटनाका आरोपित कौडेना गाउँपालिका–७ का ३४ वर्षीय विवेक कुमार यादवविरुद्ध ०८० चैत १६ गते जिल्ला प्रहरी कार्यालय मलंगवामा पीडित पक्षले उजरी दिनु भएको छ ।

आरोपितले दुई जना १३ वर्षीय बालकलाई रोजगारीको प्रलोभन देखाइ चैत १३ गते भारत तर्फ लग्दै गरेको आवस्थामा इलाका प्रहरी कार्यालय भाडसरको टोलीले बेचबिखन प्रयास हुन सक्ने आसङ्कामा सोध पुछ गर्नका लागि रोक्न खोज्दा आरोपित यादव बालकलाई छाडेर फरार भएको जिल्ला प्रहरी कार्यालय मलंगवाका इन्स्पेक्टर सविन कार्कीले जानकारी दिनु भयो ।

बालकलाई उद्धार गरी उनका अभिभावकको जिम्मा लगाएको इन्स्पेक्टर कार्कीले जानकारी दिनु भयो । साथै फरार आरोपितको खोज तलास भइरहेको उहाँले बताउनु भयो ।

बुधन साह