समाचारहरू

१४ र १५ वर्षीय दुई जना बालकलाई बेचबिखन प्रयास गरेको आरोपमा मलङ्गवा नगरपालिका–५ भाँडसरका ३६ वर्षीय बिरु भन्ने महेन्द्र खिड्हरीविरुद्ध पीडित पक्षले असोज १९ गते जिल्ला प्रहरी कार्यालयमा उजुरी दिएको छ ।

पीडितद्वयलाई रोजगारीको प्रलोभन देखाएर असोज १७ गते नेपालबाट भारततर्फ लैजाँदै गरेको आवस्थामा इलाका प्रहरी कार्यालय भाँडसरको टोलीले आरोपित खिड्हरीसँग सोधपुछ गर्न खोज्दा आरोपित भारततर्फ भागेको जिल्ला प्रहरी कार्यालय मलङ्गवाका डिएसपी दीपेन्द्र पंजियार थारुले जानकारी दिनु भयो । बालकहरुलाई उद्धार गर्न सफल भएको पनि उहाँले बताउनु भयो । फरार आरोपितको खोजतलास भइरहेको डिएसपी थारुले जानकारी दिनु भयो ।

बुध साह