मानव बेचबिखन तथा ओसापसार प्रयास घटनाका आरोपित गिरफ्तार

  ०७८ असोज १६ गते

१४ वर्षीया बालिकालाई बेचबिखन तथा ओसापसार प्रयास गरेको आरोपमा प्रहरीले मोदी गाउँपालिका५ बाजुङका २४ वर्षीय सुर्यबहादुर भण्डारीलाई असोज १४ गते गिरफ्तार गरेको छ ।

पीडितलाई आरोपितले विभिन्न प्रलोभनमा पारी असोज ६ गते अभिभावकबाट छुट्टाएर भारतको जोगबनी नाका लगी बेचबिखनको प्रयास गर्न लागेको भन्दै पीडित पक्षले आरोपितविरुद्ध असोज १३ गते जिल्ला प्रहरी कार्यालय पर्वत उजुरी दिएको जिल्ला प्रहरी कार्यालय पर्वतका इन्स्पेक्टर राजेन्द्र अधिकारीले इन्सेक प्रतिनिधिलाई फोन मार्फत जानकारी दिनुभयो ।

पीडित पक्षको उजुरीपछि आरोपितलाई कुश्मा नगरपालिका६ स्थित शिवालय चोकबाट गिरफ्तार गरी मानव बेचबिखन तथा ओसारपोसार कसुर शीर्षक अन्तर्गत घटनाको अनुसन्धान गरिरहेको उहाँले बताउनुभयो ।

पीडितको स्वास्थ्य परीक्षण असोज १४ गते जिल्ला अस्पताल पर्वतमा गरिएको छ ।


सन्तोष थापा