समाचारहरू

१७ वर्षीया बालिका र २१ वर्षीया युवतीलाई बेचबिखनका लागि भारततर्फ लैजाँदै गरेको आरोपमा प्रहरीले रामग्राम नपा–२ का २१ वर्षीय कलिम मिँया, भारतको देवरीया जिल्ला, बृजहवा ग्रामका २६ वर्षीय अरुण मल, भारत महाराजगञ्ज जिल्ला छोट्की पकडीका २८ वर्षीय शैलेश वर्मालाई माघ १९ गते गिरफ्तार गरेको छ ।

पीडितद्वयलाई आरोपितहरूले भारतीय सिमा पाल्हीनन्दनको महेशपुरतर्फ लैजाँदै गर्दा गस्तीमा रहेको जिल्ला प्रहरी कार्यालयको टोलीले उद्धार गरी आरोपितहरूलाई गिरफ्तार गरेको जिल्ल प्रहरी कार्यालयका डिएसपी रेशम बोहराले बताउनु भयो ।

पीडितद्वयलाई माघ १९ गते आफन्तको जिम्मा लगाइएको र आरोपितहरू विरूद्ध मानव बेचबिखन तथा ओसारपसार मुद्दा चलाएर अनुसन्धान सुरू गरिएको डिएसपी बोहराले बताउनु भयो ।

नारायण पराजुली