समाचारहरू

४५ वर्षीया दुई जना महिलालाई राम्रो जागिर लगाई दिने प्रलोभन देखाएर भारतको बाटो हुँदै कुवेत लैजाँदै गरेको अवस्थामा प्रहरीले बेलहिया नाकाबाट चैत ५ गते उद्दार गरी दुई जना आरोपितलाई गिरफ्तार गरेको छ ।

पीडित महिलाहरूलाई बेचबिखन गरेको आरोपमा काठमाडौँ-दिल्ली गाडी चलाउने चालक र सहचालक एकै घरका दाजुभाइ सर्लाही धुकौली-८ का २९ वर्षीय तुलबहादुर दवाडी र ३० वर्षीय सुर्यबहादुर दवाडी रहेका छन् ।

कुवेत जान हिडेका महिलाहरूसँग वैदेशिक रोजगारीमा जाँदा चाहिने पासपोर्ट, नागरिकता केही पनि नभएको र आरोपित र पीडित महिलाहरूबिचमा राम्ररी चिनजानसमेत नभएकोले मानव बेचबिखनको लागि लैजान थालेको र कुवेत पठाउने भन्ने बहाना मात्र रहेको जिल्ला प्रहरी कार्यालय, महिला तथा बालबालिका सेवा केन्द्रका सई लक्ष्मण बिकले बताए ।

रीमा बि.सी.