समाचारहरू

तनहुँकी ३५ वर्षीया र मकवानपुरकी ३८ वर्षीया दुई जना महिलालाई राम्रो जागिर लगाई दिने प्रलोभन देखाएर भारतको बाटो हुँदै कुवेत लैजाँदै गरेको आरोपमा माइती नेपालको सहयोगमा प्रहरीले बेलहिया नाकाबाट फागुन २ गते चितवन शुक्रनगर-९ की ३५ वर्षीया टीकादेवी पुडासैनीलाई गिरफ्तार गरेको छ ।

पीडित दुवै जना महिलालाई उद्धार गरिएको जिल्ला प्रहरी कार्यालय रुपन्देहीका सई डेलम्बर घिमिरेले जानकारी दिए ।

कुवेत जान हिँडेका दुवैजना महिलासँग वैदेशिक रोजगारीमा जाँदा चाहिने पासपोर्ट, नागरिकता केही पनि नभएको र आरोपित र पीडित महिलाबिचमा राम्रोसँग चिनजान समेत नभएकोले मानव बेचविखनको लागि लैजान लागेको आशङ्का गरी अनुसन्धानका लागि आरोपितलाई गिरफ्तार गरिएको सई घिमिरेले बताए ।

रीमा बि.सी.