समाचारहरू

१८ वर्षीया युवतीलाई भारत लगेर बेचबिखन तथा बलात्कार गरेको कसुरमा जिल्ला अदालतले शान्तिनगर गाउँपालिका–२ का १९ वर्षीय विजय वलीलाई ११ वर्ष कैद सजायको फैसला गरेको छ ।

जिल्ला अदालतका न्यायाधीश मनोजकुमार श्रीवास्तवको ०८१ भदौ ३१ गतेको इजालसले दोषी ठहर गर्दै ११ वर्ष कैद सजाय, ५ लाख रुपियाँ जरिबाना, १ लाख रुपियाँ क्षतिपूर्ति र १ हजार ८ सय रुपियाँ पीडित राहत कोषमा जम्मा गर्ने फैसला भएको अदालतका श्रेस्तेदार दामोदर घिमिरेले जानकारी दिनुभयो ।

कामको सिलसिलामा सँगै भारत लगेर बेचबिखन गरेको र भागेर आफू नेपाल फर्किएको भन्दै पीडितले ०८० पुस २० गते इलाका प्रहरी कार्यालय, तुलसीपुरमा उजुरी दिनुभएको थियो । पीडितको स्वास्थ्य परीक्षण पुस २० गते राप्ती प्रादेशिक अस्पताल, तुलसीपुरमा भयो । आरोपितलाई प्रहरीले माघ २ गते गिरफ्तार गरी माघ ४ गते मानव बेचबिखन तथा ओसारपसार एवम् बलात्कारसम्बन्धी मुद्दा चलाएको थियो ।

जयनारायण पुन