समाचारहरू

२२ वर्षीया, ४२ वर्षीया र ४१ वर्षीया तीन जना महिलालाई राम्रो जागिर लगाइदिने प्रलोभन देखाएर भारतको बाटो हुँदै कुवेत लैजाँदै गरेको अवस्थामा माइती नेपालको सहयोगमा प्रहरीले बेलहिया नाकाबाट वैशाख ६ गते साँझ उद्दार गरी एक जना आरोपितलाई गिरफ्तार गरेको छ ।

पीडित महिलाहरूलाई आरोपितले विभिन्न प्रलोभन देखाएर बेचबिखनको लागि लैजान लागेको प्रहरीको आरोप छ ।

घटनाको आरोपमा प्रहरीले चितवन मङ्गलपुर-५ की ३३ वर्षीया शर्मिला मिश्रालाई गिरफ्तार गरी मानव बेचबिखन तथा ओसार पसारसम्बन्धी मुद्दा दर्ता गरी थप अनुसन्धानका लागि प्रहरी हिरासतमा राखेको जिल्ला प्रहरी कार्यालय रुपन्देहीका सई भवानीप्रसाद धमलाले बताए ।

कुवेत जान हिँडेका महिलाहरूसँग वैदेशिक रोजगारीमा जाँदा चाहिने पासपोर्ट, नागरिकता केही पनि नभएको र आरोपित र पीडितबीच राम्ररी चिनजानसमेत नभएकोले बेचबिखनका लागि लैजान थालेको सई धमलाले बताए ।

रीमा बि.सी.