समाचारहरू

३८ र ३३ वर्षीया दुई जना महिलाहरूलाई राम्रो जागिर लगाई दिने प्रलोभन देखाएर बेचबिखन प्रयास गरेको आरोपमा धादिङ जिल्ला निलकण्ठ नपा-१४, धुवाकोटका ४४ वर्षीय खेम बहादुर तामाङविरुद्ध चैत १ गते मुद्दा दर्ता गरिएको छ ।

पीडित महिलाद्वयलाई आरोपितले भारतको बाटो हुँदै कुवेत लैजाँदै गरेको अवस्थामा थ्री एन्जल्स नेपाल संस्थाका कर्मचारीको सहयोगमा प्रहरीले बेलहिया नाकाबाट फागुन २८ गते उद्दार गर्नुका साथै आरोपितलाई गिरफ्तार गरेको थियो ।

कुवेत जान हिडेका महिलाहरूसँग बैदेशिक रोजगारीमा जाँदा चाहिने पासपोर्ट, नागरिकता केही पनि नभएको र आरोपित र पीडित महिलाहरूबिचमा समेत राम्ररी चिनजानसमेत नभएकोले मानव बेचबिखनको लागि लैजान लागेको प्रहरीले जनाएको छ ।

पीडित महिलाहरूलाई रुपन्देहीको महिला पुर्नस्थापना गृहमा राखी परामर्श गरिरहेको र परिवारसँग सम्पर्कपछि फर्काउने जिल्ला प्रहरी कार्यालय रुपन्देहीका डिएसपी बेलबहादुर पाण्डेले बताए ।

रीमा बि.सी.