समाचारहरू

मानव अधिकार र निर्वाचनका विषयमा इन्सेकका अध्यक्ष सुबोधराज प्याकुरेलसहित अधिकारकर्मीको एक टोलीले मङ्सिर १ गते प्रमुख जिल्ला अधिकारी, जिल्ला प्रहरी कार्यालयका प्रमुख लगायतको टोलीसँग छलफल गरेको छ ।

स्वच्छ निर्वाचनका लागि नागरिक अभियान सचिवालय इन्सेकले मानव अधिकार र निर्वाचनका विषयमा जिल्लाको विभिन्न सरोकारवाला निकायसँग भेट गरेको छ ।

सोही क्रममा जिल्लाको सुरक्षा अवस्था र निर्वाचनसम्बन्धी गतिविधिका विषयमा प्रमुख जिल्ला अधिकारी डा. कृष्णबहादुर घिमिरे र प्रहरी प्रमुख डिएसपी राजेन्द्र पोख्रेलसँग छलफल गरेका हुन ।

स्थानीय प्रशासनसँगको छलफलमा इन्सेकका अध्यक्ष सुबोधराज प्याकुरेलले जनताले हिंसा नचाहेको बताउँदै भयरहित वातावरणमा निर्वाचन हुनु पर्नेमा जोड दिए ।

अध्यक्ष प्याकुरेलले शङ्काको भरमा कोही व्यक्तिलाई गिरफ्तार गर्दा निर्दोष व्यक्ति भएमा उसमा विद्रोह भावना आउने सक्ने भएकोले प्रमाण बिना कसैलाई पक्राउ नहुने तर्क गरे ।

मानव अधिकार सङ्गठनका महासचिव महामनिश्र आर्चायले अधिकारकर्मी राज्यका सहयोगी हुने बताउँदै शान्ति पूर्ण निर्वाचनमा समन्वय गर्ने बताए । उनले अधिकारकर्मीसगँको छलफलमा प्रमुख जिलला अधिकारीले स्वच्छ, निष्पक्ष र भयरहित वातावरणमा मतदातले मतदान गर्ने वातावरण बनाएको र निर्वाचनलाई मध्यनजर गरि जिल्लामा चेकजाँचमा कडा गरिएको बताए ।

निर्वाचनलाई शान्तिपूर्ण सम्पन्न गर्नका लागि आफुले सुरूदेखि नै जिल्लाका राजनीतिक दलहरूसँग छलफल गर्दा निर्वाचन आचरसंहिता पूर्ण रूपमा पालना गर्ने प्रतिबद्धता गरेकोले आफूलाई शान्तिपूर्ण तरिकाबाट निर्वाचन सम्पन्न हुने विषयमा ढुक्क रहेको प्रमुख जिल्ला अधिकारी घिमिरेले बताए ।

मानव अधिकारकर्मीले प्रहरी प्रशासनलाई आवश्यक परे सहयोग गर्न आफुहरू जुनसुकै वेला र निर्वाचनको बेला तयार रहेको इन्सेकका अध्यक्ष प्याकुरेलले बताए ।

रविन्द्र पाण्डे