समाचारहरू

रसुवामा इन्सेकलागयत मानव अधिकारकर्मीहरूले मानव अधिकार विश्वव्यापी घोषणा पत्र जारी भएको ७५ औँ वार्षिकोत्सवको अवसरमा स्थानीय सरकारको संयुक्त रूपमा मानव अधिकार कार्ययोजना कार्यान्वयनकाे माग गर्दै ०८० मङ्सिर २४ गते ध्यानाकर्षण पत्र बुझाएकाे छ ।

'सबैका लागि स्वतन्त्रता, समानता र न्याय' भन्ने नाराका साथ ७५ औँ अन्तर्राष्ट्रिय मानव अधिकार दिवसको अवसरमा जिल्ला समन्वय प्रमुख अशोक कुमार घिमिरेमार्फत पाँचै ओटै स्थानीय तहमा मानव अधिकारको राष्ट्रिय कार्ययोजना निर्माण गरी कार्यान्वयनमा ल्याउन ध्यानाकर्षण पत्र बुझाएकाे हो ।

संवैधानिक रूपमा निर्दिष्ट गरिएका मौलिकहकहरूको निशर्त कार्यान्वयन र प्रत्येक व्यक्तिमा मानव अधिकारको प्रत्याभूति हुनुपर्ने, मानव अधिकारकर्मी संस्थाहरू मानव अधिकार कार्ययोजनाको प्रभावकारी कार्यान्वयन गर्न र आफ्नो स्थानीय तथा जिल्ला भित्र मानव अधिकारको अवस्था सुदृढ बनाउन, मानव अधिकारमैत्री योजना निर्माण गर्न, दिगो विकासका सूचकहरू हासिल गर्दै सबै नागरिकको जीवनको रक्षा गर्न, स्वतन्त्रता र न्याय सुनिश्चित गर्न मानवअधिकार घोषणा पत्र जारी भएको ७५ वर्षको अवसरमा ध्यानाकर्षण पत्रमा भनिएको छ ।

ध्यानाकर्षण पत्र पेस गर्नेहरूमा अनौपचारिक क्षेत्र सेवा केन्द्र (इन्सेक) जिल्ला प्रतिनिधि, राष्ट्रिय मानव अधिकार तथा सामाजिक न्याय मञ्च नेपाल (मानव अधिकार एलाइन्स) ले बुझाएको ध्यानाकर्षण पत्रमा मानव अधिकार तथा सामसदायिक विकास स्रोत केन्द्र, मानव अधिकार सञ्जाल रसुवा शाखा गैरसरकारी संस्था महासङ्घ रसुवाले समेत एक्यबद्धता जनाएका थिए ।

उक्त सोमितिले समय समयमा बैठक बसी आफ्नो कार्ययोजना कार्यान्वयनको समीक्षा गर्ने व्यवस्था भए पनि कार्यक्रम नभएकाेले ध्यानाकर्षण पत्र बुझाएकाे हाे । इन्सेकलागयत मानव अधिकारकर्मीहरूको सहभागितामा जिल्ला समन्वय समिति प्रमुख अशाेक घिमिरेलाई पत्र बुझाइएकाे थियाे । उक्त ध्यानाकर्षण पत्र बुझै प्रमुख घिमिरेले ध्यानाकर्षण भएको र कार्यन्वयन गराउन पहल लिने प्रतिबद्धता व्यक्त गर्नुभयाे ।

हेमनाथ खतिवडा