मानव अधिकार अभिलेखिकरण व्यवस्थित गर्नु पर्नेमा जोड

अनौपचारिक क्षेत्र सेवा केन्द्र (इन्सेक) का अध्यक्ष सुबोधराज प्याकुरेलले मानव अधिकार अभिलेखिकरण व्यवस्थित गर्नुपर्नेमा जोड दिएका छन् ।

इन्सेकद्वारा कात्तिक ४ र ५ गते काठमाडौँमा आयोजित परियोजनाको प्रतिफल तथा प्रभाव अनुशिक्षण (ओआइओ) कार्यशालाको उद्घाटन सत्रमा अध्यक्ष प्याकुरेलले सो कुरामा जोड दिएका हुन् ।

photo-20161020ktm

सो अवसरमा परियोजनासँग सम्बन्धित सूचना तथा अभिलेखिकरणलाई एक अपसमा आदानप्रदान गर्नु पर्नेमा अध्यक्ष प्याकुरेलले जोड दिए ।

जनताको अधिकार संरक्षण र सर्म्बर्द्धनका लागि ग्रामीण तहबाटै कामको सुरुवात गर्नु पर्ने उल्लेख गर्दै अध्यक्ष प्याकुरेलले समुदायमा परिवर्तन आउने गरी क्रियाकलाप गर्नु पर्ने बताए ।

इन्सेकका कार्यकारी निर्देशक विजयराज गौतमले परियोजनामा अनुगमन र मुल्याङ्कनलाई बढी ध्यान दिन सुझाव दिए ।

दुइ दिनसम्म सञ्चालन हुने कार्यशालामा ब्रेट फोर द वर्ल्डकी एनके सुमन र परामर्शदाता डिल्लीराज जोशीले प्रतिफल तथा प्रभावका बारेमा सहजिकरण गरिरहेका छन् ।

कार्यक्रममा इन्सेक केन्द्रीय कार्यालयका लेखा शाखा, पिर्एमई, कार्यक्रम फोकल पर्सन र क्षेत्रीय कार्यालयका प्रलेख अधिकृत तथा कार्यक्रम फोकल पर्सनको सहभागिता रहेको छ ।


इन्सेक मध्यमाञ्चल क्षेत्रीय कार्यालय, काठमाण्डौँ