समाचारहरू

मानवअधिकार संरक्षण सञ्जाल रामेछापको भदौ ५ गते मन्थलीमा भएको बैठकले भूकम्पपछिको पुर्ननिर्माणको अवस्थाको बारेमा समीक्षा गरिएको छ । सञ्जालका संयोजक पाण्डव प्रसाइँको अध्यक्षतामा भएको बैठकमा जिल्लामा राज्य तथा विभिन्न सामाजिक संस्थाको तर्फबाट भइरहेको पुर्ननिर्माणको कामको बारेमा समीक्षा गरिएको थियो ।

बैठकमा रेडक्रस सोसाइटी रामेछापका सभापति शिवकुमार कार्कीले रेडक्रसमार्फत जिल्लामा हुन लागेको पुर्ननिर्माणको कामको बारेमा जानकारी गराएका थिए । उनले रेडक्रसले रामेछापमा निर्माण गर्ने नीजि आवासको लागी आवश्यक प्राविधिक तयारी भइरहेको जानकारी दिए ।

बैठकमा रामेछाप जिल्ला बारका अध्यक्ष बाबुकाजी दाहाल, विभिन्न मानवअधिकारकर्मी संस्थाका प्रतिनिधि लगायतको सहभागिता रहेको थियो । बैठक इन्सेकको समन्वयमा मावनअधिकार संरक्षण सञ्जालले आयोजना गरेको थियो ।

साथै बैठकमा रुट पर्मिट नपाएका सवारी साधनलाई लगाइएको रोक पछि यातायातका साधन नगुड्दा सर्वसाधारणले भोगेको सास्तिको विषयमा पनि छलफल भएको थियो । बैठकमा यस विषयमा थप बुझि समस्या समाधानको लागि सरोकारवालाको ध्यानाकर्षण गराउने समेत सहमति भएको छ ।

नवराज पथिक