समाचारहरू

सिद्धलेक  गाउँपालिका–५ बाघबचछला नजिकैँ नेकपा (माओवादी केन्द्र) का कार्यकर्ताले आक्रमण गर्दा नेकपा एमालेका एक जना कार्यकर्ता गम्भीर घाइते भएका छन् ।

सिद्धलेकमा नेकपा एमालेले वैशाख २७ गते आयोजना गरेको निर्वाचन प्रचार/प्रसारको कार्यक्रम सकेर मोटरसाइकलमा घर जाँदै गरेका सिद्धलेक गाउँपालिका–५ निवासी एमाले कार्यकर्ता २६ वर्षीय राकेश श्रेष्ठलाई नेकपा (माओवादी केन्द्र) का कार्यकर्ताले आक्रमण गरेका थिए ।

माओवादी कार्यकर्ताले फलामको रड र ढुङ्गामुढाले आक्रमण गर्दा घाइते भएका श्रेष्ठको मलेखु स्थित शिक्षण अस्पतालमा उपचार भइरहेको छ । श्रेष्ठको टाउकोमा गम्भीर चोट लागेको छ ।

घटनामा श्रेष्ठ सवार रहेको सहित तीन ओटा मोटरसाइकलमा क्षति पुगेको छ ।

नेकपा (माओवादी केन्द्र)का नेता बुद्ध गुरुङको नेतृत्वमा घटना भएकोले आरोपितहरू विरुद्ध वैशाख २८ गते जिल्ला प्रहरी कार्यालयमा मुद्दा दर्ता गरिने नेकपा एमाले जिल्ला सचिव अर्जुन श्रेष्ठले बताउनुभयो ।

सीताराम अधिकारी