समाचारहरू

लेटाङ नपा-२ बुधबारेकी ३७ वर्षीया कौशिला राई आज बिहान मृतावस्थामा फेला परेकी राससले जनाएको छ ।

गएराति पतिसँग झगडा भएको र राई आफ्नै घरको कोठामा मृतावस्थामा भेटिएको भन्ने जानकारी स्थानीयवासीले प्रहरीलाई गरेका थिए ।

मृतक राईको शरीरका विभिन्न भागमा चोट रहेकाले घटना शङ्कास्पद रहेको इलाका प्रहरी कार्यालय लेटाङका इन्स्पेक्टर खगेन्द्र खड्काले जानकारी दिए ।

घटनापछि मृतक राईका ३७ वर्षीय पति कुमार राई फरार रहेका छन् । उनको खोजी कार्य भइरहेको प्रहरीले जनाएको छ ।

अनलाइन डेस्क