महिला अपहरण पछि हत्या गरेको आरोपमा वडाअध्यक्ष सहित तीन जना कार्यकर्ता गिरफ्तार
पुथा उत्तरगंगा गाउँपालिका–११ तकसेराकी ३९ वर्षीया डुथी भनिने जुङमाँया बुढालाई अपहरण पछि हत्या गरेको आरोपमा प्रहरीले पुथाउत्तरगंगा गाउँपालिका –११ का वडाध्यक्ष जयकुमार बुढा, उनका भाई माओवादी केन्द्रका जिल्ला सदस्य अर्जुन बुढा र माओवादी केन्द्रबाट पुथाउत्तरगंगा गाउँपालिका – ११ का वडाध्यक्ष पदका उम्मेद्वार कुमारसिंह बुढालाई वैशाख २८ गते गिरफ्तार गरेको छ ।
चुनाव प्रचारप्रसार गर्दै घरदैलो अभियान गरिरहेको अवस्थामा वैशाख १९ गते नेकपा माओवादी र नेकपा एमालेबिच झडप भएको थियो । उक्त विवाद मिलाउन गएकी बुढालाई अपहरण गरी हत्या गरेको आरोपमा गिरफ्तार गरिएको जिल्ला प्रहरी कार्यालयका डिएसपी प्रकाश डाँगीले बताउनु भयो ।
वैशाख १९ गतेदेखि सम्पर्क विहीन बुढालाई खोज्ने क्रममा वैशाख ईट गते तकसेरा गाउँदेखि चार किलोमीटर माथीको जंगलमा शव फेला परेको थियो ।
कानबाट रगत बगेको र निर्वस्त्र अवस्थामा शव फेला परेको प्रहरीले जानकारी दिएको छ । घटना शंकास्पद भएको र घटनाको अनुसन्धान भइरहेको डिएसपी प्रकाश डाँगीले बताउनु भयो ।
पुथाउत्तरगंगा गाउँपालिकामा नेपाली कांग्रेस र नेकपा एमालेबिच गठबन्धन भएको र नेकपा माओवादी केन्द्रसँग पटक पटक झडप हुने गरेको थियो ।
शव पोष्टमार्टमका लागि वैशाख २७ गते लुम्बीनी प्रादेशिक अस्पताल बुटवलमा लगिएको छ ।
मनिषा केसी
सम्बन्धित समाचारहरू
दुर्व्यवहार घटनाका आरोपित प्रधानाध्यापकविरुद्ध उजुरी
छात्रालाई यौन दुर्व्यवहार गरेको आरोपमा टोखा नगरपालिका–१०, सामाखुशीस्थित मनोहर माविका प्रधानाध्यापक माधवप्रसाद भट्टराईविरुद्ध पीडित पक्षले ०७९ मङ्सिर २० गते प्रहरी वृत महाराजगञ्जमा उजुरी दिएको छ । पीडित बालिकालाई भदौ ७ गते प्रधानाध्यापक…
नर्वेजियन दूतावासका प्रतिनिधि टोली र नागरिक समाजका प्रतिनिधिबिच अन्तरसम्वाद
नर्वेजियन दूतावासका प्रतिनिधि टोलीले बाँके जिल्लाका नागरिक समाजका प्रतिनिधिहरूसँग मङ्सिर २० गते अन्तर सम्वाद गरेको छ । छलफलको क्रममा अभियान नेपालकी प्रमुख कमला पन्तले महिला माथि हुने शारीरिक हिंसा मात्र…
आत्महत्या दुरुत्साहन घटनाका आरोपित गिरफ्तार
नुवाकोट घर भई काठमाडौँ महानगरपालिका-१० बस्ने २७ वर्षीयका पुष्मा न्यौपानेलाई आत्महत्या गर्न बाध्य पारेको आरोपमा झापा जिल्ला भई काठमाडौँ महानगरपालिका-४ धुम्बाराही बस्ने सुधन संग्रौलालाई प्रहरीले मङ्सिर २० गते गिरफ्तार गरेको…
पत्नी हत्या घटनाका आरोपित गिरफ्तार
पञ्चपुरी नगरपालिका–३ तोक्माकी ३० वर्षीया पत्नी मीना आलेको घाँटी रेटेर हत्या गरेको आरोपमा प्रहरीले ३८ वर्षीय पति अम्मर आले मगरलाई मङ्सिर २० गते गिरफ्तार गरेको छ । मीना आलेको घाँटी…
इन्सेकद्वारा पत्रकार कुटपिट घटनाका दोषीलाई कारबाहीको माग
अनौपचारिक क्षेत्र सेवा केन्द्र (इन्सेक) बागमती प्रदेश कार्यालय हेटौँडाले ०७९ मङ्सिर २० गते एक प्रेस विज्ञप्ति प्रकाशन गरी बागमती एक्सप्रेस साप्ताहिकका प्रकाशक रमेश बञ्जरा (इन्द्र) र सोही पत्रिकाका स्तम्भकार रामकुमार…
