समाचारहरू

सुखिपुर नपा-२ की ३७ वर्षीया नैनकुमारी सिंहको हत्या गरिएको अवस्थामा असोज २६ गते घरभित्रै शव भेटिएको प्रहरीले जनाएको छ ।

इलाका प्रहरी कार्यालय लहानका डिएसपी नरेशराज सुवेदीले घरभित्रै नैनकुमारीको शव क्षतविक्षत अवस्थामा भेटिएको र हत्या उनकै ४५ वर्षीय पति रामेश्वर सिंहले गरेको हुन सक्ने आशङ्का रहेको बताए । रामेश्वर फरार रहेको प्रहरीले जनाएको छ ।

शवको दुर्गन्ध आएकोले स्थानीयले प्रहरीलाई खबर गरेपछि घटना सार्वजनिक भएको र मृतकका पति सिंहको खोजी भइरहेको डिएसपी सुवेदीको भनाई रहेको छ ।

सुवेदीका अनुसार आरोपितले असोज २४ गते जग्गा बेचेको रकमको विषयमा विवाद भएपछि पतिले नै उनको हत्या गरिएको हुनसक्ने आशंका गरिएको छ ।

शवको पोष्टमार्टम असोज २६ गते नै लहान नपास्थित रामकुमार उमाप्रसाद स्मारक अस्पतालमा गरिएको प्रहरीले जनाएको छ ।

दुर्गा परियार