समाचारहरू

मधेस प्रदेश सरकार, खेलकुद तथा समाज कल्याण मन्त्रालयको आयोजनामा वैशाख १७ गते जनकपुरधाममा बालविवाहविरुद्धको दिवश मनाइएको छ ।

मधेस प्रदेश सरकारको मन्त्रिपरिषदले वैशाख १७ गतेका दिनलाई बालविवाहविरुद्धको दिवस मनाउन गरेको निणर्य अनुसार आज ‘छोराछोरी बराबरी, बीस पारी विहेबारी’ भन्ने मूल नाराका साथ यो दिवस मनाइएको हो ।

बालविवाह अन्त्यका लागि किशोरकिशोरी अन्तरसम्वाद, बालविवाहविरुद्धको नाटक प्रस्तुती, बालविवाह मुक्त घोषणा भएका सप्तरी जिल्लाका सुरुङ्गा र खडक नगरपालिका स्थानीय तहहरूलाई सम्मान र बालविवाहविरुद्धको अभियानमा सहयोग गर्ने विभिन्न संघसंस्थाहरूलाई कदरपत्र प्रदान गरिएको थियो ।

कार्यक्रममा मधेस प्रदेश सरकारका खेलकुद तथा समाज कल्याणमन्त्री सुरिताकुमारी साहले प्रदेश सरकारले बालविवाह अन्त्यका लागि तार्किक कार्यढाँचा सहितको १० वर्षे रणनीतिक योजना तयार गरी कार्यान्वयन प्रक्रिया अघि बढाएको बताउनु भयो ।

कार्यक्रममा बालविवाह विरुद्धको ६ बुँदे प्रतिबद्धता पत्र जारी गरिएको छ । प्रतिबद्धता पत्रमा मधेस प्रदेश सरकारको बालविवाह अन्त्यका लागि १० वर्षे प्रादेशिक रणनीतिक योजना २०७८/०७९–२०८८/०८९ तादारुकताका साथ कार्यान्वयन गर्न गराउने र बालविवाह लगायतका हिंसा दुव्र्यवहारबाट संरक्षण गर्न, समस्याको सम्बोधन गर्न, तथा सशक्तिकरण गर्न प्रदेस सरकार तथा स्थानीय तहको कार्यक्रम र बजेट विनियोजन गर्न, गराउन लगायत उल्लेख छ ।

सन्तोषकुमार यादव