निर्वाचन सामाग्री बुझेर मतदान केन्द्र खटिए कर्मचारी

  ०७९ वैशाख २६ गते

स्थानीय तहको वैंशाख ३० गते हुने निर्वाचनका लागि आवस्यक निर्वाचन सामाग्री बुझेर कर्मचारी तोकिएको मतदान केन्द्रमा खटिएका छन् ।

कर्मचारीहरूले मुख्य निर्वाचन अधिकृतको कार्यालयमा नियुक्तपत्र बुझ्ने र निर्वाचन कार्यालयमा मतपेटीका, मतपत्र लगायतका सामाग्री बुझिरहेका छन् ।

जिल्लाका ३ सय ६५ मतदान केन्द्रमा वैशाख २७ गतेभित्र खटिनु पर्ने भएकाले पनि कर्मचारीहरूलाई वैशाख २६ गते मतपेटीका, मतपत्र, लगायतका सामाग्री बुझ्नका लागि भ्याइ नभ्याइ भएको छ ।

निर्वाचनको कार्यतालिका अनुसार वैशाख २७ गते सबै मतदान केन्द्रमा कर्मचारीहरू पुगिसक्नु पर्छ । कर्मचारीहरूले त्यहाँ पुगेर कार्यतालिका अनुसार मतदान केन्द्रको भौतिक पूर्वाधार तयार गर्ने, मतदाता परिचय पत्र वितरण गर्ने, मतदाता शिक्षाको लागि नमुना मतदान गर्ने लगायतका काम गर्नुपर्ने हुन्छ ।

Photomakawanpur20780126

जिल्लाका दुर्गम गाउँमा पुग्ने कर्मचारीहरूले मतपत्र र मतपेटीका बुझेर मतदान केन्द्र तर्फ लागेका छन् । सुगम क्षेत्रका धेरै कर्मचारी भोली आफ्ना मतदान केन्द्रमा खटिने प्रमुख निर्वाचन अधिकृत श्रेष्ठले जानकारी दनु भयो ।

निर्वाचन आयोगबाट प्राप्त मतदान सामग्री र मतदाता परिचयपत्रको प्याकेज बनाई पठाउने काम भईरहेको निर्वाचन कार्यालय बागमती प्रदेश कार्यालयका प्रमुख लुम्बनाथ अधिकारीले जानकारी दिनुभयो ।

उहाँले वैशाख २७ गते भित्र नै निर्वाचन केन्द्रमा मतपत्र, मतपेटिका, मतदाता परिचयपत्र लगायतका निर्वाचन सामाग्री पुर्‍याउने ढङ्गले काम इईरहेको बताउनु भयो ।

जिल्लामा २ लाख ९४ हजार ९ सय १९ जना मतदाता रहेको र निर्वाचनको लागि ३ लाख २५ हजार मतपत्र आएको जिल्ला निर्वाचन कार्यालयले जनाएको छ ।

जिल्लाका ३ सय ५६ मतदान केन्द्रमा खटिने कर्मचारीलाई मतदान केन्द्रको व्यवस्थापन, मतदानलाई व्यवस्थित गर्ने लगायतका कार्यहरूबारे तालिम सम्पन्न गरी कर्मचारी व्यवस्थापन गरिएको प्रमुख निर्वाचन अधिकृत श्रेष्ठले जानकारी दिनु भयो ।

Photo1makawanpur20780126Photo11makawanpur20780126


पुष्पराज अधिकारी