समाचारहरू

व्याँस गाउँपालिका–४ डोकटका ३५ वर्षीय नरसिह विष्ट मङ्सिर ५ गते सुनसेराको डोम खोला किनारमा मृत अवस्थामा फेला पर्नु भएको छ ।

खलङगा बजारबाट मङ्सिर ३ गते मतहाल्न ब्याँस हिडनु भएका विष्टको शव सुनसेराको डोम खोला किनारमा भेटिएको हो ।

मृतक विष्टका आफन्त मोहनसिह विष्टका अनुसार स्थानीय बजारबाट २ सय मिटर पररहेको खोलामा गाडेको अवस्थामा शव भेटिएको छ । बाटोभरि घिर्सादै लगेको देखिन्छ ।

मतदान गर्नका लागि एकदिन अघि नै गाँउ पुगेका नरेन्द्रले मतदानको दिन मत हाल्न नआएपछि रातीदेखि नै खोजी कार्य गरिएको मृतकका अफन्त विष्टले बताउनु भयो ।

मतदानको अघिल्लो दिन राती सत्ता गठबन्धनका कार्यकर्तासँग विवाद भएको सुनिएकोले उहाँको हत्या भएको मृतकका अफान्त विष्टको आरोप छ ।

हत्याराको पहिचान गरी कानुनी दायरमा नल्याएसम्म शव नउठाउने भन्दै पीडित परिवारले घनटास्थलबाट शव बुझेका छैनन् ।

व्यास गाउँपालिकाका एमाले स्थानीय नेताहरुले नरेन्द्रको विभत्स हत्या भएकोले घटनामा संलग्न व्यक्तिहरुलाई कानुनी दायरामा ल्याउन माग गरेका छन् ।

घटनामा संलग्न व्यक्तिहरु पत्ता लगाउन माग गर्दै स्थानीयले दार्चुला तिंकर सडकको सुनसेरामा सडक अवरुद्ध समेत गर्दै आएका छन् ।

जिल्ला प्रहरी कार्यालयका इन्स्पेक्टर राजेश शाहीले घटनाको अनुसन्धानका लागि इलाका प्रहरी कार्यालयबाट प्रहरी टोली घटनास्थलमा खटाइएको र अनुसन्धान भइरहेको बताउनु भयो ।

नरेन्द्रसिह कार्की