समाचारहरू

छाँयानाथ रारा नपा-१२ शोभा गाँउस्थित नेपाल राष्ट्रिय प्राथमिक विद्यालय शोभा मतदान केन्द्र खारेज गर्न नेपाल कम्युनिष्ट पार्टीका कार्यकर्ताले एमाले र काङ्ग्रेसका कार्यकर्तालाई दबाव दिएका छन् ।

नेपाल कम्युनिष्ट पार्टीको जिल्ला सचिवालय सदस्य सिद्धान्तले आफ्नो पकड मानिएको छाँयानाथ रारा नपा-१२ शोभा गाँउमा काङ्ग्रेस र बामगठबन्धनका कार्यकर्तालाई कात्तिक २० गते बोलाई दबाव दिएको एमालेका कार्यकर्ता कृपाराम साउथले बताए ।

नेपाल कम्युनिष्ट पार्टीका कार्यकर्ताले एमाले र काङ्ग्रेसका कार्यकर्तालाई सबै गाँउलेको हस्ताक्षर गरी उक्त मतदान केन्द्र खारेजको मागसहित मुख्य निर्वाचन अधिकृतको कार्यालय र जिल्ला निर्वाचन कार्यालयमा जान दबाव दिएका हुन् ।

मङ्सिर १० गते हुने पहिलो चरणको निर्वाचन विफल पार्ने भन्दै नेपाल कम्युनिष्ट पार्टीका कार्यकर्ताले मुगुबाट दुवै तहको निर्वाचनमा उम्मेदवारी दिएका नेपाली काङ्ग्रेस र बाम गठवन्धनका कार्यकर्तालाई दबाव दिएका हुन् ।

मदतान केन्द्र खारेज नगरे मतदान हुने दिन या मतदानपछि जे पनि हुन सक्ने चेतवानी दिएको एमाले कार्यकर्ता साउथले बताए ।

जीवन सेजुवाल