समाचारहरू

याङवरक गाउँपालिका–५ शिरिसेमा वैशाख ३० गते नेकपा एमाले र गठबन्धन नेपाली कांग्रेस, नेकपा माओवादी केन्द्र, नेकपा एकीकृत समाजवादीलगायत दलका कार्यकर्ताबिच वैशाख ३० गते मतदानका विषयलाई लिएर कुटाकुट भएको छ ।

झडपमा याङवरक गाँपालिका–५ का २५ वर्षीय बिक्रम तावा, सोही ठाँउका २४ वर्षीय सुरेन्द्र तावा घाइते भएका छन् ।

घाइतेमध्ये विक्रमको दाँया हातको कान्छी औँला भाँचिएको छ । सुरेन्द्रलाई सामान्य चोट लागेको गणेशमान सिंह सामुदायिक अस्पताल पाँचथरका डाक्टर रूपेशमान शेरचनले बताउनु भयो ।

घाइते उपचारपछि घर फर्किएका छन् । झडपका क्रममा अर्को पक्षका याङवरक गाउँपालिका– ५ का ६५ वर्षीय वीर्खबहादुर काम्बाङको दुइ ओटा दाँत झरेको र बायाँ आँखामा चोट लागेको छ ।

सोही ठाउँका चन्द्रबहादुर काम्बाङको हातमा चोट लागेकाले स्वास्थ्य चौकीमा उपचार गराएको नेकपा एमाले याङवरक गाउँपालिका–५ का अध्यक्ष राजकुमार माबोले इन्सेक प्रतिनिधिसँगको फोन सम्र्पकमा बताउनु भयो ।

वैशाख ३० गते मतदान गर्ने क्रममा विवाद भएको भएको र सोही निहुँमा याङवरक गाउँपालिका–५ का भीम माबो, युक्ति माबो, सर्ण काम्बाङ, देशु काम्बाङ, चन्द्र काम्बाङलगायतले बाटो छेकी कुटपिट गरेको याङवरक गाउँपालिका–५ तरूण दल उपाध्यक्ष बिक्रम तावाले बताउनु भएको छ ।

सहमान विश्वकर्मा