मतदातालाई पैसा बाँडेको आरोपमा एमालेका वडाध्यक्ष उम्मेदवार गिरफ्तार

  ०७९ । वैशाख २९ गते

गुर्भाकोट नपा–११ मा नेकपा एमालेेबाट वडाध्यक्षका उम्मेदवार राजन विसीलाई मौन अवधिमा मतदातालाई पैसा बाँड्दै गरेको आरोपमा वैशाख २८ गते राति प्रहरीले गिरफ्तार गरेको जनाएको छ ।

जिल्ला प्रहरी कार्यालय, सुर्खेतका अनुसार बिसीले मतदातालाई सोही वडामा पैसा बाँडेको सूचना आएपछि प्रहरीले राति नै छापा मारेको थियो ।

प्रहरीले खानतलासी गर्दा बिसी बसेको घरबाट १ लाख १ हजार रुपियाँ फेला परेको जिल्ला प्रहरी कार्यालय, सुर्खेतका डिएसपी रामप्रसाद घर्तीले जानकारी दिए ।

नगदसहित गिरफ्तार परेका उम्मेदवारलाई घटनास्थल मुचुल्कासहित प्रहरी चौकी मेहलकुनामा राखेका छौंँ। घर्तीले घटनाबारे थप अनुसन्धान हुने जानकारी दिए ।

नेकपा एमालेका जिल्ला अध्यक्ष अमृत विसीले यस विषयमा आफूलाई जानकारी नभएको बताउनु भयो ।


इन्सेक कर्णाली प्रदेश कार्यालय, सुर्खेत