समाचारहरू

ईशनाथ नपा–४ मठियास्थित प्रहरी चौकीमा ड्युटीमा रहेका प्रहरी जवान रञ्जित यादव आपराधिक समूहको बम प्रहारबाट घाइते भएका छन् ।

बिआर ०५८६५०१ नम्बरको हिरो डिलक्स मोटरसाइकल चढेर आएका व्यक्तिले कात्तिक २६ गते गरेको बम प्रहारबाट सेन्ट्री ड्युटीमा खटिएका प्रहरी जवान यादव घाइते भएका हुन् ।

सामान्य घाइते यादवको स्थानीय क्लिनिकमा उपचार गरिएको छ । प्रहरीले बम प्रहार घटनामा संलग्न रहेको आरोपमा भारत ढाकाका २५ वर्षीय चन्दन कुमारलाई गिरफ्तार गरेको छ ।

मोटरसाइकलमा आएका दुई जनाले बम प्रहार गरेको र घटनाको बारेका अनुसन्धान भइरहेको जिल्ला प्रहरी कार्यालयका डिएसपी नविन कार्कीले बताए ।

कोपिला तिमल्सिना