समाचारहरू

भैरहवामा रहेको एक होटलमा भारतीय मुलकी एक महिलाको हत्या गरिएको अवस्थामा कात्तिक १९ गते शव भेटिएको छ ।

सिर्द्धार्थ नपा-१३ बसपार्कमा रहेको गोर्खा प्रिन्स होटलको कोठा नं १ सय ११ मा रहस्यमय तरिकाले हत्या गरिएको अवस्थामा शव भेटिएको रुपन्देहीका सई बेलबहादुर पाण्डेले बताए ।

होटलमा रहेको इन्ट्री बुकमा रेखा सिन्हा नाम र ठेगाना भारतको सिवन विहारराम लेखिएको छ । अन्दाजी ३०/३५ वर्षीया ती महिलाको नाम सही हो या होइन भन्ने विषयमा प्रहरीले अनुसन्धान थालेको जनाएको छ ।

एक पुरुषसँग कात्तिक १८ गते बिहान ११ बजे होटलमा आएका जोडी साँझसम्म बाहिर ननिस्किएकाले कोठामा हेर्न जाँदा महिला रगताम्मे भएर लडिरहेको अवस्थामा देखेपछि होटल सञ्चालकले प्रहरीलाई खबर गरेका थिए ।

'महिलासँगै आएका व्यक्ति फरार रहेका छन् । उनको खोजी कार्य भइरहेको छ ।'-सई पाण्डेले भने ।

महिलाको परिचय खुल्ने लुगा, झोला, मोबाइल केही पनि नभएकोले मृतक महिलाको असली ठेगाना खुल्न नसकेको प्रहरीले जनाएको । मृतकको शवलाई भिम अस्पताल भैरहवाको शव गृहमा राखिएको छ ।

रीमा बिसी