भूकम्प प्रभावित क्षेत्रमा अस्थायी आवास निर्माणको काम शुरु

  ०८० मङ्सिर १५ गते

विनासकारी भूकम्पले घरमा क्षति गरेपछि त्रिपालमुनि बसेका पीडितहरुका लागि अस्थायी आवास निर्माणमा पहिलो किस्ता रकम स्थानीय तहमा पठाएपछि निर्माणको काम शुरु भएको छ । विपद व्यवस्थापन कोषमा जम्मा भएको रकम शिवालय गाउँपालिकामा पठाइएको हो ।

स्थानीय तहले विपद व्यवस्थापन समितिमा समयमै तथ्याङ्क सङ्कलन गरी नपठाउँदा शिवालय गाउँपालिकाले भूकम्प गएको एक महिनापछि क्षतिको विवरण पठाएपछि गाउँपालिकामा मङ्सिर १४ गते रकम पठाएको छ । ३ हजार ३ सय ९ जना घरपरिवारलाई पहिलो किस्ता रकम दिएको जिल्ला प्रशासन कार्यालयका सुचना अधिकारी तथा निमित्त प्रमुख जिल्ला अधिकारी हरिश्चन्द्र शर्माले बताउनु भयो ।

निमित्त प्रमुख जिल्ला अधिकार शर्माका अनुसार प्रतिघर २५ हजारका दरले ८ करोड २७ लाख २५ हजार रुपियाँ पठाएको बताउनु भयो । शिवालय गाउँपालिकाले पुन क्षति भएका घरको पहिचान गरी रकम वितरण गरिने शिवालय गाँउपालिकाका निमित्त प्रशासकिय अधिकृत मानबहादुर बस्नेतले बताउनुभयो ।

वडाबाट आएको विवरण जिल्ला प्रशासनमा पठाएको बताउदै मङ्सिर १५ गते देखि प्रक्रिया थालिएको गाउँपालिका अध्यक्ष शेरबहादुर शाहीले बताउनुभयो । वडाले सङ्कलन गरी प्रशासनमा पठाएको विवरणमा कसैका २ ओटा घर हुनसक्छन् कसैको सुचीमा नआउन सक्छ त्यसैले फेरी गाउँबस्तीमा कर्मचारी खटाएर वास्तविक पीडितलाई अनुदान दिने बताउनु भयो । रकम वितरणमा गर्न १ /२ दिन लाग्न सक्छ उहाँले भन्नु भयो ।

निमित्त प्रमुख जिल्ला अधिकारी शर्माका अनुसार अन्य स्थानीय तहबाट क्षतिको विवरण प्राप्त हुन नसकेको बताउनु भयो । क्षतिको विवरण प्राप्त भएपछि स्थानीय तहमा रकम पठाउने प्रशासनले जनाएको छ । सबै स्थानीय तहको विवरण केही दिनमा आउने शर्माले बताउनु भयो । ३४ हजार ४ सय ९७ ओटा घर भूकम्पले क्षति गरेको प्रारम्भिक विवरण छ भने त्यस मध्य ९ हजार ७ सय ९४ पूर्णक्षति र २४ हजार ७ सय ७ घरमा आंशिक क्षति पुगेको छ ।

Photo20231201Jajarkot (3)

Photo20231201Jajarkot (2)

Photo20231201Jajarkot (1)


बासुदेव शर्मा