समाचारहरू

दलालको फन्दामा परेर परिवारबाट बिछोडिएका सिरहाका चार जना बालकहरूलाई भारतको बिहारमा पर्ने मुझफ्फरपुरबाट उद्धार गरी भदौ २१ गते लहानमा सम्बन्धित परिवारको जिम्मा लगाइएको छ ।

इलाका प्रशासन कार्यालय लहानका प्रशासकीय अधिकृत पवनकुमार गुप्ता, इलाका प्रहरी कार्यालय लहानका डिएसपी राजकुमार केसी, इन्सेक सिरहा जिल्ला प्रतिनिधि दुर्गा परियार र पत्रकारहरूको उपस्थितिमा सिरहाको दक्षिणी क्षेत्रको सोठियाइन गाविस-४ का चार जना बालकहरूलाई परिवारको जिम्मा लगाइएको हो ।

सोठियाइन गाविस-४ का १० वर्षीय पवनकुमार सदाय, १२ वर्षीय सञ्जीवकुमार मुखिया, निरजकुमार सदाय र १३ वर्षीय दिनेश सदायलाई पविारको जिम्मा लगाइएको हो । सिरहाको बस्तीपुरस्थित दलित संरक्षण अभियान मञ्च र मुझफ्फरपुरस्थित निर्देश सामाजिक संस्थाको पहलमा मुझफ्फरपुर स्थानीय प्रशासन र बाल गृहसँग समन्वय गरी मंगलबार लहान ल्याइएका चार जना बालक परिवारको जिम्मा लगाइएपछि आ-आफ्नो घर फर्किएका छन् ।

भारत जयनगर कमलपुरका दलाल अकवर शेखमार्फ् दक्षिण भारतको मुर्म्वईमा पुर्‍याएर निकृष्ट श्रममा लगाइएका बालकहरुलाई करिव वर्षदिन अघि मुर्म्बई प्रहरीले उद्धार गरी ६ महिनासम्म स्थानीय बाल गृहमा राखेर छ महिनाअघि मुझफ्फरपुर पठाएपछि संस्थामार्फ् जानकारीमा आएको उद्धारमा संलग्न मञ्चका कार्यक्रम व्यवस्थापक सुदेश भगतले जानकारी दिए ।

मञ्चका कार्यक्रम संयोजक सुर्यनारायण रामका अनुसार बाँधा श्रम र मानव बेचविखनविरुद्ध काम गरिरहेको स्थानीय संस्थामार्फ् बाल गृहमा सिरहाका चार जना बालकहरु रहेको सूचना आएपछि उद्धार गरिएको हो ।

दुर्गा परियार