भलिबल खेल्ने क्रममा विवाद हुँदा कुटपिट, एक जनाको मृत्यु, आरोपित गिरफ्तार

  ०७९ जेठ ९ गते

जिल्लाको जुनीचाँदे गाउँपालिका–९ धडगाँउमा जेठ ३ गते भलिबल खेल्ने क्रममा दुई पक्षबिच विवाद भई कुटपिट हुँदा कुटपिटबाट घाइते ३६ वर्षीय रेशमबहादुर खड्काको उपचारका लागि सुर्खेत लैजाँदै गर्दा बाटोमा मृत्यू भएको थियो ।

घटनामा परी अन्य दुईजना घाइते ३२ वर्षीय बिर्खबहादुर खड्का र ३३ वर्षीय चक्रबहादुर खड्काको विरेन्द्रनगर सुर्खेतमा रहेको प्रदेश अस्पतालमा उपचार भैरहेको प्रहरीले जनाएको छ ।

घटनाका आरोपित पाँच जना जुनिचाँदे गाउँपालिका–९ धडगाँउका २० वर्षीय जनक बस्नेत, २० वर्षीय रविन बस्नेत, ३२ वर्षीय शिव बस्नेत, २८ वर्षीय प्रेमबहादुर बस्नेत र २६ वर्षीय नरेन्द्रबहादुर बस्नेत लाई जेठ ६ गते इलाका प्रहरी कार्यालय पञ्चलादहबाट खटिएको प्रहरीको टोलीले गिरफ्तार गरेको जिल्ला प्रहरी कार्यालय जाजरकोटले जनाएको छ ।

घटनामा संलग्न भएको आरोपमा गिरफ्तारीमा परेका पाँच जनासँग अहिले घटनाका बारेमा अनुसनधान समेत भइरहेको जिल्ला प्रहरी कार्यालय जाजरकोटका डिएसपी सन्तोष निरोलाले जानकारी दिनु भयो ।


दिनेशकुमार श्रेष्ठ