समाचारहरू

बौद्धिक अपाङ्गता हुनु भएकी खोटेहाङ गाउँपालिका-१ लिकुवापोखरी हुलाकी टोलीको ४४ वर्षीया राधा राईलाई घरमै पुगेर अपाङ्गता परिचयपत्र र नेपाली नागरिकताको प्रमाणपत्र प्रदान गरिएको छ ।

बौद्धिक अपाङ्गता हुनु भएकी राधालाई घरमै पुगेर पूर्ण अपाङ्गताको परिचयपत्र र नेपाली नागरिकताको प्रमाणपत्र प्रदान गरिएको खोटेहाङ गाउँपालिका-१ का वडाध्यक्ष धनबहादुर महराजीले बताउनु भयो ।

खोटाङका प्रमुख जिल्ला अधिकारी शिवकुमार कार्की, इलाका प्रशासन कार्यालयका शाखा अधिकृत कहनबहादुर राई, वडाध्यक्ष धनबहादुर महराजी साउन ३० गते घरमै आएर छोरीलाई नेपाली नागरिकताको प्रमाणपत्र र अपाङ्गता परिचयपत्र दिएको राधाका ६५ वर्षीय बाबु विन्द्रमान राईले बताउनु भयो ।

बौद्धिक अपाङ्गता र मानसिक स्वास्थ्य ठिक नभएकी राधालाई १६ वर्षयता खोरमा थुनेर राख्ने गरिएको छ । छोरीको उमेर २८ वर्ष भएपछि मानसिक समस्या देखियो, उपचारमा धेरै खर्च गरेपनि ठिक नभएपछि खोरमा राखिएको बाबु विन्द्रमान राईले बताउनु भयो ।

खोरमा राखिएकी राधालाई साउन २४ गते घरमै पुगेर पूर्ण अपाङ्गता परिचयपत्र दिएको इलाका प्रशासन कार्यालयका परामर्शकर्ता युवराज विकले बताउनु भयो ।

अपाङ्गता परिचयपत्र र नेपाली नागरिकताको प्रमाणपत्र पाएपछि राधाले राज्यले प्रदान गर्ने सामाजिक सुरक्षा सुरक्षा भत्ता पाउने प्रमुख जिल्ला अधिकारी शिवकुमार कार्कीले बताउनु भयो ।

नेपालको संविधान,२०७२ को भाग २ धारा १० देखि धारा १५ सम्म नागरिकतासम्बन्धी व्यवस्था छ । धारा १० मा कुनै पनि नेपाली नागरिकलाई नेपाली नागरिकता प्राप्त गर्ने हकबाट वञ्चित नगरिने उल्लेख छ ।

 

तारानाथ फुयल