समाचारहरू

धनकौल गाउँपालिका–३ हरकठवाका ६५ वर्षीय एकल महिला वकिला खातुनलाई ०७८ माघ ६ गते बोक्सीको आरोपमा कुटपिट गरी मलमुत्र कोच्याउने धम्की दिएको आरोपमा प्रहरीले धनकौल गाउँपालिका–३ हरकठवा पुरानो बजारका ४० वर्षीय मगनी साह र ३० वर्षीय होरिन्दल साहलाई माघ १७ गते गिरफ्तार गरेको छ ।

पीडितले ‘बोक्सी’को आरोप लगाउँदै कुटपिट गरेको आरोपमा आरोपितहरूविरुद्ध इलाका प्रहरी कार्यालय बरहथवामा माघ १७ गते उजुरी दिनु भएको थियो ।

काुननी प्रक्रियामा अघि बढेपछि घटनालाई स्थानीय स्तरमै मिलापत्र गर्नका लागि दबाब आएको पीडितको आरोप छ ।

पीडित महिलाको सामान्य उपचार माघ ६ गते धनकौल स्वास्थ्य चौकीमा गरी थप उपचार सर्लाही जिल्ला अस्पतालमा गरिएको छ ।

लिखित उजुरी प्राप्त भएपछि प्रहरीले आरोपितहरूलाई गिरफ्तार गरी जिल्ला अदालतबाट तीन दिनको म्याद थप गरी अनुसन्धान प्रक्रिया अगाडि बढाएको जिल्ला प्रहरी कार्यलय मलङ्गवाका डिएसपी माधवप्रसाद बुढाथोकीले जानकारी दिनु भयो ।

बुधन शाह