समाचारहरू

१९ वर्षीया पत्नीलाई बैवाहिक बलात्कार गरेको आरोपमा चौतारा सागाँचोकगढी नगरपालिका–६ का २० वर्षीय पतिलाई ०७६ फागुन २८ गते प्रहरीले गिरफ्तार गरेको छ  ।

आरोपितले ०७६ फागुन २१ गते जबरजस्ती बलात्कार गरेको भन्दै पीडितले फागुन २७ गते जिल्ला प्रहरी कार्यालय सिन्धुपाल्चोकमा उजुरी दिनुभएको थियो । पीडितले दिएको उजुरीका आधारमा आरोपितलाई गिरफ्तार गरिएको जिल्ला प्रहरी कार्यालयका डिएसपी माधवप्रसाद काफ्लेले बताउनु भयो ।

पीडितको स्वास्थ्य परीक्षण ०७६ फागुन २७ गते चौतारा अस्पतालमा गरिएको डिएसपी काफ्लेले बताउनु भयो । पीडित र आरोपितबीच एकवर्ष अघि प्रेम विवाह भएको थियो । बिवाह भएको दुई महिनादेखि पतिले नराम्रो व्यवहार गर्दै आएको पीडितको भनाई छ ।

नातिबावु धिताल