समाचारहरू

फाल्गुनन्द गाउँपालिका–१ का ८ वर्षीय निरज खड्का बेवारिसे अवस्थामा भेटिएको ग्रेनाइट पट्किदा घाइते भएका छन् ।

बालक खड्काले पुस १६ गते राँके रवि सडक खण्डको इलामको फाकफोकथुम गाउँपालिका–१ र पाँचथरको फाल्गुनन्द गाउँपालिका–४ स्थित जङ्गलमा पुस १६ गते बेवारिसे अवस्थालमा ग्रेनाइट फेला पारेका थिए ।

खिया लागेको ग्रेनाइटलाई खेलौना सम्झिएर खेलाउने क्रममा पुस १६ गते ग्रेनाइट विष्फोट हुँदा बालक घाइते भएको प्रहरीले जनाएको छ ।

ग्रेनाइट ब्लाष्ट हुँदा इलाम फाकफोकथुम गाउँपालिका–१ अधेँरीस्थित स्थायी घर भइ फाल्गुनन्द गाउँपालिका–१ मा बस्दै आएका मनोज खड्काका छोरा ग्रेनाइट पड्किएर घाइते भएको फात्तेप चौकीका असइ रामनारायण माझीले बताउनु भयो ।

छाँया छाती, पेट र मुखमा चोट लागेका बालकको झापा विर्तामोडस्थित विएण्डसी अस्पतालमा उपचार भइरहेको छ ।

जङ्गलमा हरियो डल्लो निरजका साथी १२ वर्षीय पवन खड्का र ११ वर्षीय उमेश आङदम्बेले सँगै भेटेको भएपनि ग्रेनाइट पड्किदा निरजको साथ भएकाले निरज घाइते भएको प्रहरीले जनाएको छ ।

बेवारिसे अवस्थामा भेटिएको ग्रेनाइट द्घन्द्घकालीन समयको भएको फाकफोकथुम गाउँपालिकाका अध्यक्ष दीपेन्द्र खनालले बताउनु भएको छ ।

सहमान विश्वकर्मा