समाचारहरू

मोरङकी २७ वर्षीया, सुनसरीकी ३४ र २० वर्षीया, नवलपरासीकी ३१ वर्षीया, काठमाडौँकी ३० र ३५ वर्षीया महिलालाई राम्रो जागिर लगाई दिने प्रलोभन देखाएर भारतको बाटो हुँदै कुवेत लैजाँदै गरेको अवस्थामा फागुन ४ गते माइती नेपालको सहयोगमा प्रहरीले बेलहिया नाकाबाट उद्धार गरेको छ ।

घटनाका आरोपित मोरङ, डाँगीहाँट गाविस-५ की ३७ वर्षीया मन्दिरा डाँगीलाई प्रहरीले गिरफ्तार गरेको छ ।

कुवेत जान हिँडेका ६ जना नै महिलाहरुसँग वैदेशिक रोजगारीमा जाँदा चाहिने पासपोर्ट, नागरिकता केही पनि नभएको र आरोपितले वैदेशिक रोजगारीमा जाँदा चाहिने सबै कागजात आफूले भारतमा गएर बनाइदिने भनेको पीडितहरूले प्रहरी समक्ष बताएको जिल्ला प्रहरी कार्यालयका डिएसपी बेलबहादुर पाण्डेले बताए ।

रीमा बि.सी.