समाचारहरू

२३ वर्षीया महिलालाई बेचविखन गरेको अरोपमा रुपन्देहीको बुटवल उमनपा-४ की ३५ वर्षीया सुकमाया परियारविरुद्ध माघ ११ गते नवलपरासी प्रहरीमा उजुरी दर्ता गरिएको छ ।

वैदेशिक रोजगारीको लागि कुबेत पठाउने भन्दै नेपाल भारत सिमाना महेशपुर हुँदै दिल्लीबाट दुबई पुर्‍याई विक्री गरेको पीडित पक्षको आरोप छ ।

पीडित महिलाले आफूलाई विक्री गरी दुबई पुर्‍याएको र कोठीमा बन्धक बनाई राखेको बताउँदै माघ ११ गते आमालाई फोनमार्फत जानकारी गराएपछि पीडितकी आमाले प्रहरीमा उजुरी दिएकी हुन् । पीडित महिलाकी आमाका अनुसार पीडितलाई उक्त स्थानबाट पनि कुवेत अथवा सिरिया पठाउने तयारी भइरहेको छ ।

उजुरी दर्ता गरेपछि जिल्ला प्रहरी कार्यालयका इन्सपेक्टर प्रकाश सापकोटाले आरोपितलाई गिरफ्तार गर्न प्रहरी परिचालन गरिएको बताए ।

नारायण पराजुली