समाचारहरू

यशोधरा गाउँपालिका अन्तर्गत रहेको खुनुवा भन्सार नाकाबाट ६ जना युवतीलाई सशस्त्र प्रहरी सीमा सुरक्षा कार्यालय मर्यादपुरले चैत ५ गते उद्धार गरेको छ ।

घटनामा संलग्न रहेको आरोपमा बाँके जिल्ला कोहलपुर घर भएका ४९ वर्षीय गणेश खत्रीलाई गिरफ्तार गरी इलाका प्रहरी कार्यालय सुठौलीमा बुझाएको सशस्त्र प्रहरीले जनाएको छ ।

सुनसरी र कपिलवस्तुका दुई/ दुई, झापा र दैलेखका एक/एक गरी ६ जना २० देखि ४० वर्ष उमेर समूहका युवतीलाई राम्रो जागिर लगाइदिने भन्दै भारततर्फ लैजाँदै गरेको अवस्थामा छोटी भन्सार नाका खुनुवामा खटिएको सशस्त्र प्रहरीले सोधपुछ गर्दा बेचबिखनमा पर्न सक्नेदेखि उद्धार गरेर इलाका प्रहरी कार्यालय सुठौलीलाई बुझाएको थियो ।

नन्दराम पौडेल