समाचारहरू

२४ वर्षीया महिलालाई भिजिट भिसामा युएइबाट कुवेतमा पुर्‍याएर बेचबिखन गरेको आरोपमा प्रहरीले इन्टरपोलमार्फत धनुषा जिल्ला जनकनन्दिनी गाउँपालिका-४ का ५७ वर्षीय दिलिप राउतलाई गिरफ्तार गरेको छ ।

पीडित महिलालाई श्रम र यौन शोषण गरेको आरोप लागेपछि राउतलाई एनसिबि कुवेतको समन्वयमा कुवेतमा गिरफ्तार गरी सम्बन्धित मुद्दामा कारबाही गर्ने/गराउने प्रयोजनार्थमा कात्तिक २० गते नेपाल फिर्ता ल्याइएको नेपाल प्रहरी प्रधान कार्यालयको मानव बेचबिखन व्यूरोका एसपी भावेष रिमालले जानकारी दिनु भयो ।

राउतसमेत भएको मानव बेचबिखन तथा ओसारपसार मुद्दामा संलग्न रही फरार रहेकाले अन्तर्राष्ट्रिय स्तरमा खोजतलास एवम् गिरफ्तार गर्नको लागि नेपाल प्रहरी प्रधान कार्यालय अपराध अनुसन्धान विभाग इन्टरपोल शाखाको अनुरोधमा इन्टरपोल महासचिवालयबाट ०८१ असोज १८ गते राउतविरुद्ध रेड कर्नर नोटिस जारी भएको एसपी रिमालले जानकारी दिनु भयो ।

पार्वती साउद