समाचारहरू

कर्जन्हा नपा–७ की २२ वर्षीया पुजा सिंहको हत्या गरेको आरोपमा ५५ वर्षीय ससुरा रामनरेश रायलाई इलाका प्रहरी कार्यालय मिर्चैयाले फागुन १९ गते गिरफ्तार गरेको छ ।

अन्तरजातीय विवाह र दाइजोको कारणले पति, सासू, ससुरालगायत परिवारजनले फागुन १७ गते राति सलले घाँटी कसी हत्या गरेको आरोपमा इलाका प्रहरी कार्यालय मिर्चैयामा ससुुरासहित पाँच जनाविरुद्ध फागुन १९ गते उजुरी दिएको मृतकका दाजु मुकेश पोद्दारले बताउनु भयो ।

शवको पोष्टमार्टमको लागि लहानस्थित रामकुमार उमाप्रसाद स्मारक अस्पतालमा लगेको र फागुन २० गते हुने जिल्ला प्रहरी कार्यालय सिरहाका डिएसपी सुभाष बुढाथोकीले बताउनु भयो ।

घटनाको जानकारी फागुन १८ गते आएको र घटनाको प्रकृति हेर्दा शङ्कास्पद देखिएकाले मृतकका आफन्तहरूलाई खबर गरी फागुन १९ गते किटानी उजुरी लिएको र आरोपित रामनरेशलाई गिरफ्तार गरेको डिएसपी बुढाथोकीले बताउनु भयो ।

अन्य आरोपितहरू ‘फरार’ रहेकाले अनुसन्धानमा बाधा पुग्ने हुँदा नाम सार्वजनिक नगरी दिन डिएसपी बुढाथोकीले अनुरोध गर्नु भयो ।

दुर्गा परियार