समाचारहरू

चौतारा नपा-२ गिदानेकी १९ वर्षीया सरिता मगरको हत्या गरेर जङ्गलमा लगेर झुण्ड्याएको आरोपमा ५२ वर्षीय ससुरा तेजबहादुर थापामगरलाई प्रहरीले भदौ २२ गते गिरफ्तार गरेको छ ।

मृतकका माइती पक्षले ०७३ भदौ ६ गते तेजबहादुरविरुद्ध जिल्ला प्रहरी कार्यालयमा उजुरी दिएका थिए । सरितालाई साउन २१ गते ससुराले कुटपिट गरी हत्या गरेर चौतारा नपा-२ गिदानेस्थित आफ्रेखोला चिसापानी भन्ने जङ्गलको रुखमा लगेर झुण्ड्याएको माइती पक्षको आरोप छ ।

पीडित महिलाको लाश साउन २२ गते बिहान गाउँलेहरूले फेला पारेका थिए । मृतक सरिताको शवको पोष्टमार्टम साउन २२ गते चौतारा अस्पतालमा गरिएको थियो ।

नातिबावु धिताल