बुलिङटारको एकै वडामा २७ जना क्षयरोगी फेला
बुलिङटार गाउँपालिका– ४ मा २७ जनामा क्षयरोग देखापरेको छ ।
स्वास्थ्य कार्यालय नवलपुर, बुलिङटार गाउँपालिकाको समन्वय तथा जन्त्रको प्राविधिक सहयोगमा ०८१ जेठ १५ र १६ गते गरी दुई दिनसम्म गरिएको खोज पड्ताल शिविरमा एउटै वडाका २७ जनामा क्षयरोग देखापरेको छ । भने शंकास्पद ४० जनालाई रिफर गरिएको स्वास्थ्य कार्यालय नवलपुरका ल्याब टेक्निसियन निरीक्षक डिल्लीराम तिवारीले जानकारी दिनुभयो । बुलिङटार गाउँपालिकाको वडा नं ४ स्थित बोझापोखरी, अर्खला र सिंचेन गरी तीन स्थानमा पोर्टेवल एक्सरे मेसिनको प्रयोगबाट परीक्षण गरिएको थियो । ४ सय ८५ महिला र ३ सय ७८ पुरूष गरी ८ सय ६३ जनाको छातिको एक्सरे विधिबाट परीक्षण गर्दा ११ जना पुरूष र १६ जना महिला गरी २७ जना क्षयरोगका बिरामीको पहिचान भएको हो ।
एकै स्थानमा यति धेरै सङ्ख्यामा क्षयरोगका बिरामी फेला पर्नु चिन्ताजनक रहेको ल्याब टेक्निसियन निरीक्षक तिवारीले बताउनुभयो । विकट पहाडी क्षेत्र भएकाले पनि यहाँका स्थानीय स्वास्थ्य संस्थासम्म पुगेर रोगको परीक्षण गराउन नसक्ने अवस्था रहेकाले रोगको पहिचान गर्न नसकेका हुन् । धेरै सङ्ख्यामा क्षयरोगका बिरामी देखापरेपछि स्थानीय पनि चिन्तित बनेका छन् ।
एकै स्थानमा धेरै सङ्ख्यामा बिरामी फेला पर्नु निकै चुनौतीको विषय रहेको बुलिङटार गाउँपालिका अध्यक्ष दिपेन्द्र सुनारी मगरले बताउनुभएको छ । यता स्वास्थ्य कार्यालयलाई पनि स्वास्थ्य चुनौती बढेको महसुस गरेको ल्याब टेक्निसियन निरीक्षक तिवारीले बताउनुभयो ।
४० जना शंकास्पद क्षयरोगका बिरामीहरूको जिनएक्सपर्ट विधिबाट खकार परीक्षणका लागि मध्यविन्दु जिल्ला अस्पतालमा पठाइएको र पहिचान भएका सबै क्षयरोगका बिरामीहरूलाई नजिकको अर्खला स्वास्थ्य चौकीमा दर्ता भई औषधी खाने व्यवस्था मिलाइएको ल्याब टेक्निसियन निरीक्षक तिवारीले जानकारी दिनुभयो ।
ज्ञानु पंगेनी
सम्बन्धित समाचारहरू
जिल्ला कारागार झापामा एक जना कैदीको मृत्यु
जिल्ला कारागार झापामा कैद भुक्तान गरिरहेका भद्रपुर नगरपालिका-१ का ४० वर्षीय मदन सिलवालको माघ २९ गते मृत्यु भएको कारागार प्रशासनले जनाएको छ । जिल्ला अदालतबाट ठगी मुद्दामा कैद सजाय तोकिएपछि…
अज्ञात पक्षको गोली प्रहारबाट एक जना घाइते
देवानगञ्ज गाउँपालिका-३ का ४० वर्षीय शैलेश भगतमाथि अज्ञात समूहले गोली प्रहार गरेको प्रहरीले जनाएको छ । व्यवसायी भगतमाथि ०८१ माघ २९ गते अज्ञात पक्षले गोली प्रहार गरेको जिल्ला प्रहरी कार्यालयका…
बालविवाह घटनाका आरोपित गिरफ्तार
१७ वर्षीया बालिकालाई बालविवाह गरेको आरोपमा पाल्हीनन्दन गाउँपालिका-४, कुश्माका २४ वर्षीय अमरजीत हरिजनलाई प्रहरीले ०८१ माघ ३० गते गिरफ्तार गरेको छ । पीडित बालिकालाई आरोपितले माघ २८ गते ललाई फकाई…
सामूहिक हत्या गरी आत्महत्या
भुमे गाउँपालिका–४ का आठ महिनाका बालक समिर बुढा र उहाँकी बज्यै ६० वर्षीया ढाँटी बुढाको हत्या आरोप लागेका भुमे गाउँपालिका–४ का ५१ वर्षीय चन्द्रसिंह पुनले आत्महत्या गरेका छन् । घरनजिकै…
बलात्कार गरेको कसुरमा १६ वर्ष ८ महिना कैद सजायको फैसला
१० वर्षीया बालिकालाई बलात्कार गरेको कसुरमा जिल्ला अदालतले १७ वर्षीय बालकलाई १६ वर्ष ८ महिना कैद सजायको फैसला गरेको छ । जिल्ला अदालतका न्यायाधीश शिवलाल पाण्डेयको ०८१ माघ २९ गतेको…